Андрей Голубев Баня-Лукадағы "Челленджер" турнирінің финалында ойнайды

Қазақстандық теннисші Андрей Голубев Баня-Лукадағы "Челленджер" турнирінің финалына шықты, - деп хабарлайды Zakon.kz.

Андрей Голубев украиналық теннисші Денис Молчановпен бірге жартылай финалда чехиялық Петр Ноуза мен германиялық Константин Франценмен ойнады.

Қазақстандық-украиналық жұп қарсыластарын 6:3, 6:2 есебімен жеңді.

Енді Голубев пен Молчанов финалда румыниялық-аустриялық жұп Виктор Влад Корня мен Филипп Освальдпен ойнайды.

Матч ертең, 12 тамызда Астана уақытымен 18:30-да өтеді.