Спорт жаңалықтары 
Скатов пен Кукушкин US Open турнирінің іріктеу кезеңінде ойнайды
Сурет: ktf.kz
Қазақстандықтардың арасынан Тимофей Скатов пен Михаил Кукушкин АҚШ ашық чемпионатының іріктеу кезеңінде өнер көрсетеді.
Тимофей Скатов іріктеу кезеңінің алғашқы раундында жапониялық Кайчи Учидамен (әлемнің 240-ракеткасы) кездеседі. Ал Михаил Кукушкин итальялық Маттиа Беллуччиге (әлемнің 184-ші ракеткасы) қарсы ойнайды.
"Үлкен дулыға" санатындағы төртінші турнирдің негізгі кезеңінде қазақстандықтар арасынан жекелей сында Александр Бублик, ал жұптық сында Александр Недовесов пен Андрей Голубев қатысады.
Әйелдер арасындағы жекелей сында Елена Рыбакина, Юлия Путинцева, ал жұптық сында Анна Данилина өнер көрсетеді.
АҚШ ашық чемпионатының іріктеу кезеңі 22-27 тамыз аралығында өтеді. Іріктеу кезеңінің бірінші айналымында жеңіске жеткен теннисшілерге 22 мың АҚШ доллары, екіншісінде ұтқандарға 34,5 мың, ал финалды еңсергендерге 45 мың АҚШ доллары беріледі.
