US Open: Тимофей Скатовтың алғашқы айналымдағы қарсыласы анықталды

28 тамызда Нью-Йоркте "Үлкен Дулыға" турнирі басталады. АҚШ-тың ашық чемпионатының негізгі турниріне алғаш рет жолдама алған отандасымыз Тимофей Скатовтың қарсыласы анықталды, деп хабарлайды Zakon.kz.

Бірінші айналымдағы матчта Скатов әлемдік рейтингте 13-ші орында тұрған австралиялық Алекс де Минордмен кездесетін болады. Бұрын қос теннисші бір-бірімен кездесіп көрмеген. Ойын 29-нан 30 тамызға қараған түні №11 кортта төртінші болып өтеді. Алғашқы ойын Астана уақыты бойынша сағат 21:00-де басталады.

24 жастағы австралиялықтың қоржынында АТР турының жеті титулы бар. Ағымдағы маусымда ол Акапулькода (Мексика) өткен АТР-500 турнирінің жеңімпазы атанды.

Бұған дейін Тимофей Скатов US Open біліктілігі кезеңін сәтті еңсерген болатын.