Тимофей Скатов алғаш рет US Open ашық чемпионатында өнер көрсететін болады

Қазақстандық теннисші Тимофей Скатов іріктеу сайыстарының финалында дүниежүзілік рейтингте 112-орында тұрған австралиялық Джеймс Даквортпен жолдама үшін сынға түсіп 6:2, 6:2 есебімен жеңді, деп хабарлайды Zakon.kz.

Осылайша, 22 жастағы Скатов өз спорттық мансабында алғаш рет АҚШ ашық чемпионатында өнер көрсететін болады.

Оның қарсыласы кейінірек анықталады.

US Open іріктеу ойындары 22-27 тамыз аралығында өтеді. Біліктіліктің бірінші айналымында жеңіске жеткені үшін теннисшілер 22 мың АҚШ долларын, екіншісінде — 34,5 мың АҚШ долларын, ал финалға шыққандар 45 мың АҚШ долларын алады.