"Астана" командасының Конференция лигасының топтық кезеңіндегі қарсыластары анықталды

"Астана" командасы, Конференция лигасының топтық кезеңі, сурет - Zakon.kz жаңалық 01.09.2023 20:57

Сурет: Twitter/fc_astana

Бүгін, 1 қыркүйекте Монакада қазақстандық "Астана" командасының қатысуымен өтетін футболдан UEFA Конференция лигасы топтық кезеңінің жеребесі тартылды, деп хабарлайды Zakon.kz.

Жеребе қорытындысына сәйкес, елордалық команда С тобында сынға түседі.

Қорытынды:

А тобы: "Лилль" (Франция), "Слован" (Чехия), "Олимпия" (Словения), "Клаксвик" (Фарер аралдары).

В тобы: "Гент" (Бельгия), "Маккаби Тель-Авив" (Израиль), "Заря" (Украина), "Брейдаблик" (Исландия).

С тобы: "Динамо Загреб" (Хорватия), "Виктория Пльзень" (Чехия), "Астана" (Қазақстан), "Балкани" (Косово).

D тобы: "Брюгге" (Бельгия), "Будё-Глимт" (Норвегия), "Бешикташ" (Түркия), "Лугано" (Швейцария).

E тобы: "Алкмаар" (Нидерланд), "Астон Вилла" (Англия), "Легия" (Польша), "Зриньски" (Босния және Герцоговина).

F тобы: "Ференцварош" (Венгрия), "Фиорентина" (Италиия), "Генк" (Бельгия), "Чукарички" (Сербия).

G тобы: "Айнтрахт" (Германия), ПАОК (Грекия), ХИК (Финляндия), "Абердин" (Шотландия).

Н тобы: "Фенербахче" (Түркия), "Лудогорец" (Болгария), "Спартак Трнава" (Словакия), "Нордшелланн" (Дания).

Топтық кезеңнің алғашқы ойыны 21 қыркүйекте өтеді.

Топтық кезеңнен суырылып шыққандар бірден 1/8 финалға өтеді. Екінші орындағылар Еуропа лигасының топтық кезеңінде үшінші орын алған сегіз командамен ойнайды.

Оқи отырыңыз