WTA-125: Жібек Құламбаева жекелей сында жеңіліске ұшырады

Бари (Италия) қаласында WTA-125 санатында теннистен ірі турнир өтіп жатыр. Отандасымыз Жібек Құламбаева жарыстың бірінші айналымындағы ойындарын аяқтады, деп хабарлайды Zakon.kz.

Турнирдің екінші айналымына жолдама беретін соңғы матчта Қазақстан теннисшісі ресейлік Полина Кудерметовадан 1:6, 5:7 есебімен ұтылып қалды. Бұрын қос спортшы бір-бірімен кездеспегенін баса айта кетелік.

Ойын 1 сағат 20 минутқа созылды.  

Енді отандасымыз француз теннисшісі Кароль Моннемен бірге осы жарыста жұптық сында ойынын жалғастыратын болады.