Алматылық оқушы дайындық деңгейін пысықтап, жаңа министрді "ұрып көрді"

Ермек Маржықпаев, Шаңырақ, мектеп-интернат, бокс, оқушы, Алматы, сурет - Zakon.kz жаңалық 20.09.2023 20:44

Сурет: видеодан алынды

Алматыдағы спорт мектебінің 7-сынып оқушысы Туризм және спорт министрі Ермек Маржықпаевпен бірге бокстан жаттығу өткізді, деп хабарлайды Zakon.kz.

Министрліктің баспасөз қызметі атап өткендей, "Шаңырақ" ықшам ауданындағы республикалық мамандандырылған олимпиадалық резерв мектеп-интернат-колледжінің 7 А сынып оқушысы Бейсебек Сарым бокспен айналысады және министрмен кездесу барысында өзінің дайындығын көрсетті.

Министр Алматының спорт мекемелерін аралап, олардың материалдық-техникалық базасымен, өзекті мәселелерімен танысып, оқытушылармен және жаттықтырушылармен әңгімелесті.

Сондай-ақ, ол Қазақстан тарихында еркін күрестен тұңғыш әлем чемпионы атанған Ризабек Айтмұқанның әкесі Қанат Жолдасбаймен кездесті. Министр Белградтағы әлем чемпионатының алтын жүлдесімен құттықтап, чемпионды тәрбиелегені үшін алғыс білдірді.