Лаура Әліқұл Азия ойындарында каратэден күміс жеңіп алды

Лаура Әліқұл Азия ойындарында каратэден күміс жеңіп алды, деп хабарлайды Zakon.kz Туризм және спорт министрлігіне сілтеме жасап.

Қазақстандық каратэші Лаура Әліқұл Азия ойындарының күміс медаліне ие болды.

68 келіге дейінгі салмақ дәрежесінде өнер көрсеткен отандасымыз финалда қытайлық Ли Цяоцяодан жеңіліп қалды.

Бұған дейін каратэші Нұрқанат Әжіқанов (75 келі) алтын медальді жеңіп алғанын жазған едік.

Азия ойындары Қытайдың Ханчжоу қаласында өтіп жатыр.