"Түркия турының" алтыншы кезеңінде Алексей Луценко екінші орын алды

Алексей Луценко, екінші орын, "Түркия турының" алтыншы кезеңі, сурет - Zakon.kz жаңалық 13.10.2023 20:15

Сурет: Instagram/astanaqazaqstanteam

Astana Qazaqstan Тeam командасының капитаны және көшбасшысы Алексей Луценко "Түркия туры" көпкүндігінің алтыншы тау кезеңінде екінші орын алып, өзінің үздік позициясын нығайта түсті, деп хабарлайды Zakon.kz.

Ұзындығы 193,3 шақырым болатын бұл кезең Бодрум мен Селчук қалалары арасын қамтыды, мәреге жетер алдында екі биіктікті игеру міндеті тұрды.

Велошабандоздарды биіктігі бойынша бірінші және санаттағы тау күтіп тұрды.

"Астана" командасы өз көшбасшысын мәреге дейінгі аралыққа сәтті жеткізді, одан соң Алексей Луценко өзінің басты бәсекелестерімен биіктікке көтерілуде жақсы көрсеткіш көрсете білді. Біздің шабандозға 4 сағат 46 минут 34 секунд уақытты көрсетіп, мәре сызығын бірінші болып кескен Монако спортшысы Виктор Лангелоттиді басып озу үшін сәл-пәл ғана күш жетпей қалды.

2-ші орын алғанына қарамастан, "Астана" командасының капитаны "Түркия турының" бас есебінде әлі көш бастап тұр, сондықтан 15 қазанда, жарыс аяқталғанда отандасымыздың жеңімпаздар тұғырына көтерілуіне жақсы мүмкіндігі бар.

Оқи отырыңыз