Азия пара ойындары: Диас Кенжебек Қазақстан қоржынына жетінші "алтынды" салды

Қазақстандық спортшы Диас Кенжебек Ханчжоуда өтіп жатқан Азия пара ойындарында суға жүзуден алтын медаль жеңіп алды, деп хабарлайды Zakon.kz.

Спортшы 100 метр қашықтықты 1:05:42 уақытында жүзіп өтіп, Азия мен Азия пара ойындарының рекордын жаңартты.

"Азиадада Қазақстан құрамасы дәстүрлі түрде осы спорт түрінен өте жақсы нәтиже көрсетіп келеді әрі бүгінгі жетістік - осының жарқын дәлелі. Команданың жаттықтырушылар штабына ерекше алғыс білдіреміз. Ел сіздің еңбегіңізді мақтан тұтады!", - деді Қазақстанның туризм және спорт министрі Ермек Маржықпаев.

Бұған дейін қазақстандық пара спортшы Дастан Мұқашбеков елімізге алтын медаль әперді.