Қазақстан каратэшілері әлем чемпионатында тарихи жетістік жасады
Сурет: Instagram/drs_kz
Әлемдік каратэ тарихында алғаш рет еліміз үшін ең жоғары стандартты медальді 50 келіге дейінгі салмақ дәрежесінде теңдесі жоқ Мөлдір Жаңбырбай жеңіп алды.
Қазақстандық Қайсар Алпысбай (60 келі) алтын медаль үшін финалдық белдесуде грекиялық Кристос-Стефанос Ксеносқа есе жіберді.
Тағы бір жерлесіміз Дидар Әмірәлі (67 келі) қола жүлдесін елге алып келеді.
Осы үш медальдың арқасында Қазақстан делегациясы жалпы командалық есепте 5-орынға ие болды. Бұл - тарихи жетістік. Бұған дейін біздің каратэшілер ересектер арасындағы әлем чемпионатындf алтын алған емес.
Жақында Қытайдың Ханчжоу қаласында өткен Азия ойындарында жоғарыда аталған спортшылар жақсы өнер көрсеткенін айта кеткен жөн. Қайсар Алпысбай Азия ойындарының жеңімпазы атанса, Мөлдір Жаңбырбай күміс, Дидар Әмірәлі қола медальмен қанағаттанды.
