Жаңалықтар тізбегі
0

Қазақстан каратэшілері Азия чемпионатынан 24 медаль жеңіп алды

Қазақстан каратэшілері Азия чемпионатынан 24 медаль жеңіп алды Сурет: Туризм және спорт министрлігі
Алматыда WKF каратэден жастар мен жасөспірімдер арасындағы XXI Азия чемпионаты мәресіне жетті. Алатау баурайында ұйымдастырылған жарысқа сары құрлықтың 30-ға жуық елінен 600 татами шебері қатысты.

Туризм және спорт министрлігінің хабарлауынша, жастар мен жасөспірімдер арасындағы байрақты бәсекеде Қазақстан спортшылары 8 алтын, 5 күміс және 11 қола медаль олжалап, жалпыкомандалық есепте екінші орынға ие болды. Жапония каратэшілері 14 алтын, 5 күміс, 4 қола медальмен көш бастаса, үздік үштікті Иран (5 алтын, 6 күміс, 11 қола) спортшылары түйіндеді. 

Жарыстың соңғы күніндегі кумите бағдарламасында Диас Анарбеков (+84 кг), Биғабыл Жоламан (55 кг), Ақниет Шеризат (50 кг) пен Белла Шамашева (55 кг) алтын тұғырдан көрінсе, Асқар Сапарғалиев (87 кг) пен Даяна Даренская (68 кг) финалда қарсыластарына есе жіберіп, күміс жүлде еншіледі. Ал Никита Тарнакин (84 кг), Николь Ценгель (61 кг) және Венера Жақсыбаева (+ 68 кг) қолаға қол жеткізді.

"Жас каратэшілеріміздің Азия чемпионатындағы керемет жетістігі елімізде аталған спорт түрінің қарқынды дамып келе жатқанының айқын көрінісі. Биыл каратэшілеріміз халықаралық жарыстарда өте сәтті өнер көрсетіп жатыр. Мысалы, еліміздің ересектер құрамасы Азия ойындарында, әлем чемпионатында топ жарып, үздіктер қатарынан көрінді. Енді міне, жастарымыз құрлық додасында мықты екенін дәлелдеді. Біздің құрамада осындай дарынды жас спортшылар өсіп келе жатқаны қуантады", - деді Спорт және дене шынықтыру істері комитетінің төрағасы Ербол Мырзабосынов.

Айта кетері, бүгін каратэден ересектер арасындағы 1-Азия ашық чемпионаты басталды. Жарыс 10 қарашаға дейін жалғасады.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: