Футзал: "Қайрат" лиссабондық "Бенфикаға" есе жіберді

Алматылық "Қайрат" УЕФА чемпиондар лигасының элиталық кезеңінде лиссабондық "Бенфикаға" есе жіберді, деп хабарлайды Zakon.kz.

Португалиялықтар 3:2 есебімен жеңіске жетті.

Қарсылас командадан Афонсо Хесус (4-минут), Диего Нуньес (5-минут) және Лусио Роша (10-минут) гол соқты.

Ал "Қайрат" сапынан "Бенфика" қақпасына Дәурен Тұрсағұлов (8-минут) мен Денер Родриго (36-минут)  саңылау тапты.

"Қайрат" келесі ойынын 2 желтоқсанда "Добовец" командасына қарсы өткізсе, 3 желтоқсанға қараған түні "Бенфика" осы шағын турнирді өткізіп жатқан "Приштинамен" кездеседі.