Бокстан іріктеу турнирі: Асланбек Шымбергенов келесі кезеңге жолдама алды

Бокстан Италияда өтіп жатқан лицензиялық турнирде команда капитаны Асланбек Шымбергенов келесі айналымға өтті, деп хабарлайды Zakon.kz.

71 келіде сынға түсетін Асланбек польшалық Дамиан Дуркачтан басым түсті.

Ол үш раунд қорытындысы бойынша жеңіске жетіп, келесі кезеңге жолдама алды. 

Айта кетейік, бұған дейін шаршы алаңға шыққан үш боксшымыз - Жайна Шекербекова, Римма Волосенко және Мұхамедсабыр Базарбайұлы жеңіліп қалған болатын.