Бибісара Асаубаева Мәскеудегі шахмат фестивалінде 1-орын алды

Қазақстандық шахматшы Бибісара Асаубаева Мәскеуде өткен "Аэрофлот Опен 2024" шахмат фестивалінде 1-орын алды, деп хабарлайды Zakon.kz.

Қазақстан шахмат федерациясының мәліметінше, спортшы әйелдер арасында үздік нәтиже көрсетті.

"Жарысқа FIDE рейтингінде 2 300 ұпайдан жоғары шахматшылар қатысты, сонымен қатар турнирде 15 жасқа дейінгі қатысушылар да өнер көрсетті". Қазақстан шахмат федерациясы

Асаубаевамен бірге фестивальде еліміздің намысын мына спортшылар қорғады:

• Қазбек Нөгербек (18-орын);
• Даниал Сәпенов (21-орын);
• Рамазан Жалмаханов (38-орын);
• Әлішер Сүлейменов (65-орын).

Турнирге барлығы 500-ден астам адам қатысты.