Бейбіт Жұқаев пен Тимофей Скатов "Челленджер" турнирлерінің екінші айналымына шықты

Қазақстандықтар "Челленджер" санатындағы турнирлерді сәтті бастады, деп хабарлайды Zakon.kz.

Барлеттадағы (Италия) турнирдің алғашқы айналымында Тимофей Скатов жергілікті теннисші Андреа Гуэрририді 6:4, 4:6, 7:5 есебімен ұтты. Қазақстандық келесі айналымда аустриялық Филип Мисоличпен ойнайды.

Бейбіт Жұқаев Мексика астанасында зимбабвелік Бенджамин Локты 4:6, 6:3, 6:4 есебімен ұтты. Мехикодағы турнирдің екінші айналымында Бейбіт мексикалық Пачеко Мендеспен кездеседі.