Путинцева Мадридте әлемнің сегізінші ракеткасынан айласын асырды

Қазақстандық теннисші Юлия Путинцева (50 WTA) Испания астанасында өтіп жатқан WTA 1000 санатындағы турнирдің үшінші кезеңіне шықты, деп хабарлайды Zakon.kz.

Юлия қытайлық Чжэн Циньвэньді 7:5, 2:0 есебімен ұтты. Қазақстандық теннисші екінші сетте 2:0 есебімен алға шыққанда Чжэн жарақатына байланысты ойынды жалғастырудан бас тартты.

Үшінші айналымда қазақстандық америкалық Кэролайн Долехидке қарсы ойнайды.

Путинцева турнирдің алғашқы кезеңінде тағы бір қытайлық Юань Юэден басымырақ түсті.