Бублик те, Шевченко да Римдегі жарыстың екінші айналымында есе жіберді

Қазақстандық теннисшілер Александр Бублик пен Александр Шевченко да жекелей сында Римдегі (Италия) жарыстың екінші айналымында есе жіберді, деп хабарлайды Zakon.kz.

Александр Бублик португалиялық теннисші, әлемнің 53 ракеткасы Нуну Боржештен 4:6, 4:6 есебімен екі сетте жеңілді.

Қазақстандық теннисші жеті эйс пен алты қос қателік жасады, бес брейк-пойнттың үшеуін сәтті пайдаланды.

Ал Александр Шевченко ресейлік теннисші, әлемнің 18-ракеткасы Карен Хачановтан 4:6, 4:6 есебімен ұтылды. Шевченко ойын кезінде екі эйс жасап, алты брейк-пойнттың төртеуін өз есебіне жазды.

Еске салайық, бұған дейін дәл осы турнирде Елена Рыбакина денсаулығына байланысты жарысқа қатысудан бас тартқан еді.