Хоккейден ӘЧ-2024: Қазақстан Францияны ұтып кетті
![Хоккей, ӘЧ-2024, Қазақстан, Франция, сурет - Zakon.kz жаңалық 11.05.2024 18:03](https://kaz.zakon.kz/pbi/WEBP/2024-05-11/file-fd877ec2-700d-4820-b0c0-d15af1e64265/400x225.webp)
В кіші тобында өнер көрсететін Қазақстан құрамасы алғашқы кездесуінде француздарды жеңді. Біздің қарсыластарымыз екінші минутта есеп ашты, Энцо Кантагалло ерекше көзге түсе білді. Көп ұзамай Роман Старченко есепті теңестірді.
8-ші минутта Ғалым Мамбеталиевтің шәкірттері Максим Мұхаметовтың қарсылас қақпасына дөп соққан шайбасының арқасында алға шықты. Осыдан кейін командалар үзіліске шықты.
Екінші кезеңде бір ғана гол соғылды, оның авторы - қазақстандық хоккейші Кирилл Савицкий.
3:1 нәтижесі үшінші кезеңде өзгерген жоқ. Осылайша, қазақстандық команда 2024 жылғы Әлем чемпионатында алғашқы жеңіске қол жеткізді.
Біздің команда 12 мамырда Словакиямен кездеседі. В кіші тобында Қазақстан құрамасынан басқа АҚШ, Швеция, Германия, Польша және Латвия да өнер көрсетеді.