Геннадий Головкин Халықаралық Олимпиада комитеті президентімен кездесті
Сурет: olympic.kz
ҚР ҰОК баспасөз қызметінің мәліметінше, бұл оқиға қазақстандық спорт қоғамдастығы үшін маңызды, сондай-ақ ҰОК-тың Халықаралық олимпиадалық қозғалысқа белсенді қатысуға деген ұмтылысын көрсетті. Кездесу еліміз бен ХОК арасындағы ынтымақтастықты нығайтудағы маңызды қадам болып табылады.
Томас Бах Геннадий Головкинді ҰОК президенті лауазымына сайлануымен құттықтады. Кездесу барысында тараптар Олимпиадалық күн тәртібінің өзекті мәселелерін және олимпиадалық қозғалысты, оның ішінде Орталық Азия өңірінде дамыту жөніндегі жұмысты талқылады.
Сурет: olympic.kz
Кездесуден кейін Томас Бах Геннадий Головкинді ХОК штаб-пәтеріне шақырылған атақты спортшылар қолтаңбаларын қалдыратын олимпиадашылардың қабырғасына қол қоюға шақырды.
"Біздің бүкіл командамыздың атынан Халықаралық Олимпиада комитетіне және Президент Томас Бахқа шақырғаны және жылы қабылдағаны үшін алғыс айтқым келеді. Бұл сапар бір мақсатпен біріктірілген ұйымдар арасындағы берік және сенімді ынтымақтастықты бастайтынына сенімдімін".ҚР ҰОК президенті Геннадий Головкин
Кездесуге ХОК директоры Джеймс Маклода және ХОК директорының ҰОК-пен өзара әрекеттесу жөніндегі орынбасары Оливье Ниамки де қатысты.
Екі ұйымның басшылары келесі кездесуді Париждегі 2024 жылғы Олимпиада ойындары кезінде өткізуге келісті.
Лозаннаға сапары аясында 22-23 мамырда Қазақстан ҰОК делегациясы ХОК департаменттері мен қызметтерінің басшыларымен бірқатар маңызды кездесулер өткізді, онда екі ұйымның өзара іс-қимылын қозғайтын мәселелер мен тақырыптар егжей-тегжейлі талқыланды.
