Спорттық гимнастикадан әлем кубогі: қазақстандық спортшылар бес финалда бақ сынайды

Спорттық гимнастикадан Болгарияның Варна қаласында өтіп жатқан Challenge Cup әлем кубогінде қазақстандық спортшылар іріктеуден өтті, деп хабарлайды Zakon.kz olympic.kz-ке сілтеме жасап.

Қазақстан ерлер командасының төрт спортшысы бес финалда бақ сынайды. 

Атап айтар болсақ, Дмитрий Патанин мен Асан Сәлімов еркін жаттығудан финалға өтті. Іріктеуде Патанин 2, Сәлімов 6-нәтиже көрсеткен. 

Гимнастикалық ат снарядындағы іріктеуде Нариман Құрбанов 1, Зейнолла Ыдырысов 2-орынға табан тіреп, ақтық сынға жолдама алды. 

Сондай-ақ, шығыршықтағы жаттығуда 13.600 ұпаймен 8-орын алған Дмитрий Патанин финалдық кезеңде бақ сынайды. 

Бүгін іріктеудің екінші күні өтіп жатыр.