Юлия Путинцева "Роллан Гарростың" алғашқы айналымында US Open чемпионын жеңіп кетті

Қазақстанның екінші, әлемнің 39-ракеткасы Юлия Путинцева Франция ашық чемпионатындағы ("Ролан Гаррос") алғашқы матчын өткізді, деп хабарлайды Zakon.kz.

Юлия топырақ төсенішінде өтіп жатқан "Үлкен дулыға" турнирінде америкалық спортшы Слоан Стивенспен (әлемнің 35-ракеткасы) кездесіп, екі сетте 6:1, 6:2 есебімен жеңіске жетті. Ойын 56 минутта аяқталды.

Айта кетейік, 31 жастағы Слоан Стивенс — АҚШ ашық чемпионатының 2017 жылғы чемпионы.

Енді Путинцева келесі айналымда Кэти Бултер (Ұлыбритания) — Паула Бадоса (Испания) арасындағы матчтың жеңімпазымен кездеседі.