Боксшы Мұхамедсабыр Базарбайұлы Олимпиада квотасына бір қадам жақындады

Бокстан Қазақстан құрамасының мүшесі Мұхамедсабыр Базарбайұлы Таиландта өтіп жатқан іріктеу турнирінің келесі айналымына өтті, деп хабарлайды Zakon.kz.

Ұлттық олимпиада комитетінің хабарлауынша, 63,5 келіде жолдамаға таласып жатқан ол италиялық Джанлуиджи Малангамен кездесті. Кездесу аса  тартысты өтіп, төрешілер шешімімен Базарбайұлы жеңіске жетті. Бұл - оның осымен үшінші жекпе-жегі.

Осылайша, ол Олимпиада квотасына бір қадам жақындады.

Айта кетелік, Қазақстан ерлер командасында бір салмақта Олимпиада жолдамасы жоқ.

Олимпиада лицензиясы сарапқа салынып жатқан іріктеу турнирін Мұхамедсабыр Базарбайұлы жеңіспен бастаған еді.