Асу Алмабаев UFC-де жеңіске жетті

16 маусымда Асу Алмабаев аралас жекпе-жектен UFC on ESPN 58 турнирінде ең жеңіл салмақта өнер көрсетіп, жеңіске жетті. Одан кейін отандық спортшы рейтингтегі төртінші спортшыны жекпе-жекке шақырды, деп хабарлайды Zakon.kz.

Ол жаңа зеландиялық Кай Кара-Франс болып шықты.

"Мен үздік 15 немесе 10-ның қатарындағы файтер емеспін. Мен үздік бестікке жатамын!" Асу Алмабаев

Асу Лас-Вегаста америкалық Хосе Джонсонды жеңгеннен кейін осындай мәлімдеме жасады. Ең жеңіл салмақтағы кездесу үш раундқа есептелген болатын және ол төрешілердің бірауыздан шешімімен Алмабаевтың пайдасына шешілді.

Ал Кара-Франс тарапынан, әзірге ешқандай реакция жоқ.