Елена Рыбакина: Шөп төсенішіне оралғаныма қуаныштымын

Әлемнің төртінші ракеткасы Елена Рыбакина Берлинде (Германия) өтіп жатқан WTA 500 турнирінің екінші айналымында жеңіске жеткеннен кейінгі эмоциясын айтты. Қазақстандық теннисші ресейлік Вероника Кудерметованы 6:4, 7:5 есебімен ұтты, деп хабарлайды Zakon.kz.

Елена Рыбакина ресейлік теннисші екеуі бір-бірін жақсы білетінін атап өтті.

"Бұл матчты көп күттім. Шөп төсенішіне оралғаныма қуаныштымын. Вероникамен матчтарымыз әртүрлі кезде және әртүрлі кортта өтті. Біз бір-бірімізді жақсы білеміз. Ойымды жинақтап, қолымнан келгеннің бәрін жасадым, жеңіске жеткеніме қуаныштымын", - деді Рыбакина матчтан кейінгі сұхбатында.

Рыбакина жарыстың ширек финалында әлемнің 19-ракеткасы, Беларусь теннисшісі Виктория Азаренкоға қарсы ойнайды. Кездесу ертең, 21 маусымда өтеді.