Олимпиаданың алғашқы күні футбол турниріндегі жанжалмен басталды
Сурет: Instagram/paris2024
24 шілдеде ХХХІІІ жазғы Олимпиада ойындарының бірінші жарыс күні жанжалға толы болды. Аргентина мен Марокко арасындағы футбол ойыны 106-минутта оңтүстік американдықтар гол соққаннан кейін стадиондағы тәртіпсіздіктерге байланысты екі сағатқа тоқтатылды, деп хабарлайды Zakon.kz.
Командалар арасындағы жекпе-жек олимпиадалық футбол турнирінің топтық кезеңінің бірінші туры аясында өтті.
Овертаймның 16-минутында аргентиналықтар Кристиан Мединаның голының арқасында есепті 2:2 есебімен теңестірді. Алайда, төреші бұзушылықты байқап, VAR жүйесін қарауға шешім қабылдады. Артынша жанкүйерлер тарапынан тәртіпсіздіктер орын алды.
Осыған байланысты, ойын араға екі сағат салып қана – 1:2 есебімен жалғасты. Төреші аргентиналықтардың екінші голын есептемей қойған. Осылайша, құрама жеңіліс тапты.
"Бұл өмірімде көрген ең үлкен цирк", - деді Аргентина құрамасының бас бапкері Хавьер Маскерано.
Айта кетейік, ойын алдында көрермендер Аргентинаның әнұранын шырқаған болатын.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
