Париж көшелерінде Сәкен Бибосыновтың суреті бейнеленген баннерлер пайда болды
![Баннер, Париж, жазғы Олимпиада, Сәкен Бибосынов, сурет - Zakon.kz жаңалық 26.07.2024 18:24](https://kaz.zakon.kz/pbi/WEBP/2024-07-26/file-4b6b5d9e-5d26-48a9-b193-7f07fdca22b0/400x225.webp)
2024 жылғы жазғы Олимпиада ойындарына әлемнің түкпір-түкпірінен келген спортшыларды құшақ жая қарсы алған Париж көшелерінде қазақ боксшысы Сәкен Бибосыновтың суреті бейнеленген баннерлер пайда болды, деп хабарлайды Zakon.kz.
Sportarena.kz тілшісі Парижді аралап, көшедегі шетелдіктерден қазақ спортшыларын білетін-білмейтіндіктерін сұрады.
"Мына боксшыны ма?! Жоқ... Мен оған Олимпиаданы сәтті өткеріп, мүмкіндігінше биік белестерден көрінуін тілеймін", - деді Сәкен Бибосыновтың суреті бар баннер жанына тоқталған адамдардың бірі.
Қазақстандық спортшыны сол маңдағы басқа адамдар да танымады.
"Жоқ, бірақ біз боксқа барамыз. Ол туралы ештеңе білмейді екенмін. Иә, оған сәттілік тілеймін! Медаль бұйырсын", - деп жауап берді отбасылы жұп.
Тілші Сәкен Бибосыновқа қатысты сұрақты тағы бір жас жігітке қойды.
"Жоқ, мен оны білмейді екенмін. Менің ойымша, оның барлық мүмкіндігі бар. Оған тек сәттілік тілеймін!", - деді ол да.
Бұған дейін 52 жастағы америкалық рэпер Снуп Догг жазғы Олимпиада ойындарының басталуы қарсаңында Париж маңындағы Сен-Дени қалашығындағы Стад де Франс стадионының жанынан Олимпиада алауын алып өткені хабарланған болатын.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript