Боксшы Айбек Оралбай Париж Олимпиадасының ширек финалына шықты

Боксшы Айбек Оралбай Париж Олимпиадасының ширек финалына шықты, деп хабарлайды Zakon.kz.

Айбек Оралбай Париж Олимпиадасындағы алғашқы жекпе-жегінде Олетен Олаорены (Нигерия) айқын басымдықпен жеңді.

Енді отандасымыз (92 келі) ширек финалда күш сынасатын қарсыласын күтеді.

Қазақстандық боксшы қарсыласын бірінші раундта нокдаунға жіберіп, сенімді түрде  жеңіске  жетті.

Айбек пен оның бауыры Нұрбек - (80 келіге дейінгі салмақ дәрежесінде өнер көрсетеді) Қазақстан тарихындағы дәл осы Олимпиадаға қатысқан тұңғыш егіз боксшы.