Қазақстандық таеквондошылардың Париждегі алғашқы қарсыласы кімдер

2024 жылғы Париж Олимпиадасында таеквондодан жеребе тартылды. Қазақстандық атлеттердің алғашқы қарсыластары белгілі болды, деп хабарлайды Zakon.kz olympic.kz-ке сілтеме жасап.

Париждегі жазғы ойындарда аталған спорт түрінен екі қазақстандық спортшы ел намысын қорғайды.

58 келідегі Самирхон Абабакиров италиялық Вито Дел'Акилаға қарсы шығады. Бұл кездесу ертең, 7 тамыз күні, 1/8 финал аясында өтеді. 

9 тамызда 80 келіге дейінгі салмақта бақ сынайтын Батырхан Төлеуғали даянгке шығады. Оның бірінші қарсыласы – малилік Исмаил Кулибали.