Таеквондошы Самирхон Абабакиров Олимпиада чемпионына есе жіберді

Таеквондодан Қазақстан командасының мүшесі Самирхон Абабакиров Париж Олимпиадасындағы алғашқы жекпе-жекте жеңіліс тапты, деп хабарлайды Zakon.kz.

Ерлер арасында 58 келі салмақта сынға түскен Абабакиров алғашқы айналымда Олимпиада чемпионы, италиялық  Вито Дел'Акилаға қарсы шыққан болатын. 

Алғашқы кезеңде 12:6 есебімен басымдық танытқан Самирхон соңғы екі кезеңде қарсыласқа есе жіберіп алды. 

Айта кетелік, бұл - қазақстандық таеквондошының алғашқы Олимпиадасы. 

Енді ол қарсыласының финалға жетуін күтеді. Егер италиялық спортшы ақтық сынға жетсе, Самирхон Абабакиров жұбаныш белдесуіне қатысу мүмкіндігін алады.