Ролан Гаррос-2025: Қос қазақстандық жасөспірім теннисші Жапонияда өтетін іріктеуге жолдама алды
Сурет: ktf.kz
Алматыдағы Gorky Tennis Park теннис орталығында жасөспірімдер арасында өтіп жатқан 2025 жылғы Ролан Гаррос турниріне іріктеу сайысының финалына шыққан теннисшілер анықталды, деп хабарлайды Zakon.kz.
Қазақстандықтар София Исакова мен Арсений Требухин финалға өтіп, соның нәтижесінде Жапонияда өтетін соңғы іріктеу жарысына жолдама алды.
Қазақстандық жартылай финалда Борис Шустердің қос шәкірті – Исакова мен Сәтима Төреген кездесті. София 6:1, 6:1 есебімен жеңіске жетіп, ертең соңғы бәсекеде ирандық Ясаман Язданимен шеберлік байқасады. Яздани тағы бір қазақстандық Альбина Кәкенованы жолдан тайдырды – 6:3, 6:3.
Бозбалалар арасында А.Требухин аса тартысты матчта иорданиялық Жабер Амирді тізе бүктірді – 6:4, 6:7 (2:7), 6:4. Арсений финалда өзбекстандық Ахмаджон Тошмұхамедовпен сынға түседі.
Осылайша, соңғы ойынның нәтижесіне қарамастан, финалға шыққан төрт теннисші Жапонияға барады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
