Ролан Гаррос: тағы бір қазақстандық теннисші турнирден шығып қалды

Қазақстандық теннисші Тимофей Скатов Францияның астанасы Парижде өтіп жатқан "Ролан Гаррос" турнирінің алғашқы айналымындағы кездесуін өткізді, деп хабарлайды Zakon.kz.

Тимофей Скатов бірінші айналымда болгариялық теннисші, әлемнің 29-ракеткасы Григор Димитровпен ойнады.

Қазақстандық теннисші 0:6, 3:6, 2:6 есебімен ұтылды. Матч 1 сағат 50 минутқа созылды.

Тимофей Скатов өз карьерасында алғаш рет іріктеуден өтіп, "Ролан Гаррос" турнирінің негізгі кезеңіне жолдама алған еді. 

Еске салайық, бұған дейін Қазақстанның бірінші ракеткасы Александр Бублик "Ролан Гарростың" алғашқы раундынан-ақ сүрінген еді.