АҚШ құрамасы Париж Олимпиадасының медальдық есебін жеңіп алды
Фото: olympic.kz/Сали Сабиров
11 тамызда Париждегі ХХХІІІ жазғы Олимпиада ойындары аяқталды. Медальдік көрсеткіш бойынша АҚШ спортшылары қатарынан 4-ші мәрте жеңімпаз атанды, деп хабарлайды Zakon.kz.
ХОК ресми сайтының ақпаратына сүйенсек, АҚШ-тықтар өздерімен тетелес келе жатқан Қытай спортшыларын соңғы сәтте ғана базып озып, жеңіске қол жеткізді.
Сонымен, АҚШ спортшыларының қоржынында 40 алтын, 44 күміс, 42 қола бар. Ал, олардың басты қарсыласы Қытай Халық Республикасы 91 медальмен (40, 27, 24) жазғы Олимпиада ойындарын тәмамдады.
Үздік үштікті күтпеген жерден Жапондықтар иеленді. Олар 20 алтын, 12 күміс, 13 қоламен елдеріне қайтты.
Ал, Қазақстан жазғы Олимпиада ойындарының медальдік көрсеткіші бойынша, 43-орынға табан тіреді. Еліміздің спортшылары 1 алтын, 3 күміс, 3 қоланы қанжығаларына байлады.
12 тамыз күні таңертең елорда әуежайына Париждегі Олимпиада ойындарының күміс жүлдегері Нұрбек Оралбай келді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
