Юлия Путинцева Паула Бадосадан жеңіліп, WTA 1000 турнирінен шығып қалды

Қазақстандық теннисші Юлия Путинцева Цинциннатиде өтіп жатқан WTA 1000 турнирінен шығып қалды. Ол 17 тамызда өткен үшінші айналымдағы кездесуінде испаниялық Паула Бадосадан жеңілді, деп хабарлайды Zakon.kz .

Матч 1 сағат 52 минутқа созылды. Паула Бадоса 6:4, 6:4 есебімен жеңіп кетті.

Путинцева екі эйс жасап, бір қос қате жіберді және алты брейк-пойнттың біреуін сәтті пайдаланды.

Еске салайық, қазақстандық теннисші екінші айналымда әлемнің екінші ракеткасы, америкалық Коко Гауфтан басым түсіп, сенсация жасаған еді.