Бейбіт Жұқаев ATP 250 Almaty Open турнирінің екінші айналымына шықты

Бейбіт Жұқаев (213 ATP) ATP 250 Almaty Open турнирінің алғашқы айналымында ливандық Бенджамин Хассанмен (245 ATP) кездесті, деп хабарлайды Zakon.kz.

Қазақстандық теннисші 6:4, 6:1 есебімен оп-оңай жеңді.

Матч бір сағаттан астам уақытқа созылды. Қазақстандық теннисші сегіз эйс жасап, екі қос қате жіберді, сегіз брейк-пойнттың үшеуін сәтті пайдаланды.

Жұқаев екінші айналымда Тимофей Скатов (Қазақстан) - Томаш Махач (Чехия) кездесуінің жеңімпазымен ойнайды.