Бокстан АЧ-2024: Айбек Оралбай Қазақстан құрамасы қоржынына төртінші "алтынды" салды

Қазақстан құрамасының капитаны, аса ауыр салмақтағы Айбек Оралбай Чианг Май қаласында (Таиланд) өтіп жатқан бокстан Азия чемпионатында алтын медаль иеленді, деп хабарлайды Zakon.kz.

92 келіден жоғары салмақ дәрежесінде ақтық сында Айбек Қытай боксшысы Абудурешити Ремуланы айқын басымдықпен жеңді. Есеп: 5:0.  

Нәтижесінде Қазақстан құрамасының капитаны Азия чемпионатында ел қоржынына төртінші "алтынды" салды.

Посмотреть эту публикацию в Instagram

Публикация от Kazakhstan Boxing Federation (@boxingkazakhstan)

11 желтоқсанда біздің боксшылар активінде барлығы тоғыз марапат бар: төрт алтын және бес күміс. Азия чемпиондары Махмұт Сабырхан (54 келіге дейін), Бекзад Нұрдәулетов (86 келіге дейін), Сағындық Тоғамбай (92 келіге дейін) және Айбек Оралбай (92 келіден жоғары) болды.

Күміс меадль Санжар Ташкенбайға (48 келіге дейін), Оразбек Асылқұловқа (57 келіге дейін), Дулат Бекбауовқа (67 келіге дейін), Абылайхан Жүсіповаке (71 келіге дейін) және Диас Молжігітовке (75 келіге дейін) бұйырды.