Өзбекстандық боксшы иығынан тістеп алған Абылайхан Жүсіпов Азия-2024 чемпионы атанды

Тәжірибелі қазақстандық боксшылардың бірі Абылайхан Жүсіпов біраз уақыттан кейін Өзбекстан өкілі Хавасбек Асадуллаевқа қарсы соңғы жекпе-жектегі жанжалдан кейін Азия-2024 чемпионы деп танылды, деп хабарлайды Zakon.kz.

Жекпе-жектегі түсініспеушілік Чианг Мэйде (Таиланд) өткен Азия чемпионатының ерлер арасындағы финалдық кездесуінде болды.

Белгілі болғандай Абылайхан Жүсіпов пен Хавасбек Асадуллаев жекпе жегінде өзбекстандық боксшы спорттық ережені өрескел түрде бұзған.

Посмотреть эту публикацию в Instagram

Публикация от Kazakhstan Boxing Federation (@boxingkazakhstan)

Осыған байланысты Қазақстан бокс федерациясы 71 келі салмақ дәрежесіндегі финал бойынша IBA және ASBC ұйымдарына наразылық хат жолдады. Онда шаршы алаңдағы төреші Джована Угренович (Сербия) бұл сәтте ешқандай ескерту жасамағаны да сөз етіледі. Ал, Қазақстан тарапында ереже бұзылуына дәлел ретінде фото және видео материалдар да бар.

Посмотреть эту публикацию в Instagram

Публикация от Karaganda Regional Boxing Federation (@krg_boxing_federation)

Нәтижесінде IBA және ASBC ұйымдары осы салмақтағы ақтық сынды қайта қарастырып, келесі шешімге келді. 71 келіде Абылайхан Жүсіпов Азия чемпионы деп танылды, ал өзбекстандық боксшы белгілі мерзімге жарыстардан шеттетіледі.

Бұған дейін "Астана" өз алаңында "Челсиден" ұтылғандығы хабарланған болатын.