Анастасия Городко фристайл-могулдан Әлем кубогының кезеңінде үздік ондыққа енді

Италияның Ливиньо қаласында фристайл-могулдан Әлем кубогының кезеңі өтті, деп хабарлайды Zakon.kz.

Еліміздің атынан қатысқан Анастасия Городко ең үздік нәтиже көрсетті – ол жарысты оныншы орынмен аяқтады. Ал Юлия Галышева 12-орынға жайғасты.

Ерлер арасындағы бәсекеде Қазақстан намысын Павел Колмаков қорғады. Ол жарыс қорытындысы бойынша 13-орынға ие болды.

Айта кетейік, 12 наурызда спортшылар параллель могулда бақ сынайды.