Қазақстан құрамасының бұрынғы бапкері тағы да жұмыс орнын ауыстырды

47 жастағы ресейлік маман, Қазақстан құрамасының бұрынғы бапкері Магомед Әдиев 5 маусымда Самараның "Крылья Советов" футбол клубының бас бапкері болып тағайындалды, деп хабарлайды Zakon.kz.

Бұл ақпаратты самаралық клубтың баспасөз қызметі растады. Әдиевпен бір жылдық келісімшарт жасалып, кейін оны ұзарту мүмкіндігі қарастырылған.

Посмотреть эту публикацию в Instagram

Публикация от ПФК "Крылья Советов" (@fckssamara)

Айта кетейік, Магомед Әдиев екі жыл бойы Қазақстан құрамасын басқарды. Одан кейін ол Грозныйдың "Ахмат" клубын екі рет: алғашында уақытша, кейін тұрақты бас бапкер ретінде жаттықтырды.

Алайда оның "Ахматтағы" екінші кезеңі сәтсіз басталды — команда маусымның басында Премьер-лигада сәтсіз ойын көрсетті. Осыдан кейін Әдиев қызметінен кетуге мәжбүр болды.

Бірнеше ай жұмыссыз жүрген соң, сәуір айында ол Ресейдің "Химки" клубына шақыртылып, онда небәрі бірнеше апта жұмыс істеді.