Үстел теннисі: Алан Құрманғалиев жастар арасындағы Азия чемпионатының ширек финалына шықты

Қазіргі уақытта Ташкентте (Өзбекстан) үстел теннисінен жастар арасындағы Азия чемпионаты өтіп жатыр, деп хабарлайды Zakon.kz.

Ерлер арасындағы жарыста қазақстандық Алан Құрманғалиев 1/8 финалда жеңіске жетті.

Бұл кезеңде отандасымыз Оңтүстік Кореядан барған Ли Чонмокты айқын басымдықпен жеңді. Ойын 4:0 есебімен аяқталды. 

Келесі айналымда Алан Тайбэй өкілі Хун Цзинь-Каймен кездеседі.