Бокстан Астанадағы Әлем кубогы: Әнел Сақыш алғашқы жекпе-жегінде жеңіске жетті

Бокстан Қазақстан құрамасының өкілі Әнел Сақыш Астанада өтіп жатқан Әлем кубогының кезеңінде алғашқы жекпе-жегін өткізді, деп хабарлайды Zakon.kz.

Қазақстандық боксшы 54 келіге дейінгі салмақта ел намысын қорғауда.

Отандасымыз алғашқы жекпе-жегінде германиялық Татьяна Обермайермен жұдырықтасты. 

Нәтижесінде Әнел Сақыш үш мәрте қарсыласын нокдаунға жіберіп, жекпе-жектің қорытындысы бойынша келесі кезеңге өтті.

Еске салайық, бұған дейін Назым Қызайбай бокстан Астанадағы Әлем кубогының кезеңін жеңіспен бастағанын хабарлаған едік.