Дәмир Жалғасбай ересектер арасындағы алғашқы турнирде жеңіске жетті

17 жастағы қазақстандық теннисші Дәмир Жалғасбай өз мансабында маңызды жетістікке қол жеткізді — ол ITF кәсіби ерлер турындағы алғашқы титулын жеңіп алды, деп хабарлайды Zakon.kz.

Латвиялық Артурс Загарспен жұптасып өнер көрсеткен Дәмир Испанияда өткен ITF M15 санатындағы турнирдің жеңімпазы атанды.

Финалда Жалғасбай/Загарс дуэті швейцариялық Адриен Бурде мен мексикалық Алан Сау Франконы сенімді түрде ұтты — 6:2, 6:1.

Бұл жеңіс — жас теннисшінің ересектер арасындағы кәсіби деңгейдегі алғашқы табысы.