Алан Оралбек еркін күрестен U20 әлем чемпионатының жұбаныш белдесуінде өнер көрсетеді

Самоковта (Болгария) күрес түрлерінен U20 санатындағы әлем чемпионаты жалғасып жатыр, деп хабарлайды Zakon.kz.

20 тамызда еркін күрестен соңғы медаль жиынтығы сарапқа салынады.

Қазақстан қола медальға үміткерлердің қатарында. Ол үшін Алан Оралбек жұбаныш белдесуінде сәтті өнер көрсетуі тиіс.

61 келі салмақтағы балуан ширек финалда ирандық Ахор Хатериге есе жіберген болатын.

Осылайша, қазақстандық спортшы жұбаныш белдесуіне жолдама алды. Ол Пуэрто-Рикодан барған Омар Аюбпен белдеседі.

Еске салайық, бұған дейін қазақстандық еркін күрес шебері Камиль Куруглиев Самоковта (Болгария) өтіп жатқан U20 санатындағы әлем чемпионатының финалында жеңіліп қалып, күміс жүлдегер атанған еді.