АҚШ ашық чемпионаты: Бублик US Open чемпионын жеңді

Қазақстандық теннисші Александр Бублик (ATP рейтингінде 24-орын) US Open-2025 турнирін сәтті бастады, деп хабарлайды Zakon.kz.

Бублик бірінші айналымда 2014 жылы АҚШ ашық чемпионатында жеңіске жеткен хорватиялық Марин Чиличпен (62-орын) кездесті.

Қазақстандық спортшы қарсыласын үш сетте айқын басымдықпен ұтып, турнирдің екінші кезеңіне өтті. Есеп – 6:4, 6:1, 6:4.

Александрдың келесі қарсыласы Лоренцо Сонего (Италия, 46-орын) мен Тристан Скулкейт (Аустралия, 96-орын) арасындағы матчтың жеңімпазы болады.

Еске салайық, бұған дейін қазақстандық теннисшілер Елена Рыбакина мен Юлия Путинцева US Open турнирін жеңіспен бастағанын хабарлаған едік.