Әмір Омарханов Тунисте ITF M15 турнирінің жартылай финалына шықты

Тунис қаласы Монастирде қазір ITF M15 санатындағы кәсіби теннис турнирі өтіп жатыр. Қазақстандық 18 жастағы Әмір Омарханов турнирде тамаша өнер көрсетіп келеді, деп хабарлайды Zakon.kz.

Қарағандылық теннисші 1/2 финал кезеңіне жетіп, 21 жастағы француз Луис Ларуені бір сағат 38 минутта 6:3, 6:2 есебімен жеңді.

Оған дейін Омарханов тағы екі азулы қарсыласын жеңген еді.

Ол бастапқы матчта италиялық Леонардо Примуччиді 6:7, 6:4, 6:2 есебімен жеңді. Содан кейін кореялық Гиен Жун Кимнен 7:5, 6:0 есебімен айласын асырды.

Енді 7 ақпанда тунис турнирінің жартылай финалында қазақстандық теннисші финалға шығуға тырысады. Ертең ол тәжірибелі француз Николас Тепмахпен (ATP №737) шеберлік байқасады.