Бублик Роттердамдағы турнирдің жартылай финалына шықты

Нидерландтағы Роттердам қаласында өтіп жатқан ATP 500 санатындағы турнирдің 1/4 финалдық кездесуі аяқталды. Бұл матчта қазақстандық теннисші Александр Бублик испаниялық Хауме Муньярмен кездесті, деп хабарлайды Zakon.kz.

Бублик тартысты өткен ойында үш сет қорытындысы бойынша жеңіске жетті – 6:4, 6:7 (4:7), 7:6 (7:3).

Кездесу екі сағат 45 минутқа созылды. Қазақстандық теннисші матч барысында 10 эйс жасап, 7 рет қос қателікке жол берді. Ал испаниялық спортшының еншісінде 8 эйс және 1 қос қателік бар.

La batalla fue para Bublik 👀

Alexander Bublik resiste una gran versión de Munar y see medirá a Auger-Aliassime por un lugar en la final@abnamroopen | #abnamroopen pic.twitter.com/3ObGwNl0zq

— ATP Tour en Español (@ATPTour_ES) February 13, 2026

Бұл – Александрдың биылғы маусымдағы 11-жеңісі. Келесі кезеңде ол Феликс Оже-Альяссиммен кездеседі.

Еске салайық, бұған дейін қазақстандық теннисші Анна Данилина қатарынан екінші рет финалға шыққанын хабарлаған едік.