17:20, Бүгін

"Сұраншы батыр" екінші жыл қатарынан Red Bull Four 2 Score-тың финалын жеңіп, әлемдік додаға жолдама алды

Өткен жексенбіде Алматыдағы Көк-Төбе паркінің аумағында Red Bull Four 2 Score-тың ұлттық финалы аяқталды. Екінші жыл қатарынан алматылық "Сұраншы батыр" командасы турнирдің жеңімпазы атанып, енді Канададағы (Торонто) әлемдік финалда Қазақстан атынан өнер көрсетеді.

Red Bull Four 2 Score – арнайы ережелері бар ерекше аула футболының форматы: әрқайсысында төрт ойыншы қатысатын екі команда 10 минуттық матч өткізеді, қақпа шағын көлемде болғандықтан, ойынға қақпашылар қатыспайды.

Бұл ойын стратегиясын түбегейлі өзгертеді – қатысушылар сақ болу мен шабуылдау арасында баланс табуы керек, қашан тәуекел ету және алға шығу керектігін алдын ала есептеуі тиіс.

Red Bull Four 2 Score форматы ойыншылардан нақты назарды талап етеді – кез келген қателік арқылы жеңісті қолдан жіберіп алу мүмкіндігі жоғары.

Сурет: Максим Малов

Сонымен қатар, тактикалық икемділік қажет: матчтың барысында бір схемамен ойнауға болмайды, ұпайлар динамикасына бейімделу және қашан тәуекел ету алға шығу керектігін есептеу керек. Команда рухы маңызды болып табылады – айқын минуттарда бірлесіп жұмыс істелмесе, реванш жеңіп шығу мүмкін емес. Психологиялық тұрақтылық да маңызды: топтық этаптағы жеңілістен кейін де плей-офф-та реванш алуға мүмкіндік бар. Алматылық "Сұраншы батыр" құрамасы бұл сәтті де қапы қалдырмай, жақсы нәтиже көрсетті.

Әлемдік финалға жолдама үшін Алматы, Астана және Ақтөбеден алты команда өңірлік іріктеулерден өтіп, бәсекеге түсті. Қазіргі жеңімпаздар күтпеген жерден астаналық "Встреча" құрамасына 2:5 есебімен есе жіберді. Алайда, алматылықтар "Встреча", "Құрдастар" (Ақтөбе) және TFA-мен (Астана) бірге плей-офф-қа шықты.

Сурет: Максим Малов

Жартылай финалдарда "Встреча" командасы "Құрдастар" командасын 6:5 есебімен, ал "Сұраншы батыр" TFA өкілдерін 3:1 есебімен ұтты. Осылайша, финалда Алматы мен Астана командасы арасында реванш өтті.

Алғашқы кездесуде "Встреча" жеңіске жеткенімен, финалдық реваншта алматылықтар өздерін көрсете білді. Алғашқы минутта Арсений Мелещенко салған гол "Сұраншы батыр" құрамасына бірден екі ұпай қосты. Көп ұзамай спортшы қайа гол салды. Осылайша, команда жеңімпаз атанды.

"Бәрі керемет өтті. Қазақстанды екінші жыл қатарынан әлемдік финалда өкіл ету мүмкіндігі үшін Red Bull-ға рақмет. Жеңіп шығуға мүмкіндік болғанына қатты қуантым", – деді финалдан кейін турнирдің ең мықты ойыншысы Арсений Мелещенко.