"UFC-ке оралмайды": Шавкат Рахмоновтың дәрігері спортшының жағдайы туралы мәлімдеме жасады

Жеңіліп көрмеген қазақстандық UFC файтері Шавкат Рахмоновтың сүйікті ісіне оралуы кейінге шегеріліп жатыр, деп хабарлайды Zakon.kz.

Unforgettable MMA порталының мәліметінше, Шавкат Рахмоновты емдеп жатқан дәрігер Михаил Маркуарт спортшының биыл жекпе-жек өткізбейтінін мәлімдеген.

Дәрігердің айтуынша, медициналық штаб 2026 жылы да Шавкатқа жекпе-жекке шығуға рұқсат беретін анықтама бермеуі мүмкін.

Болжам бойынша, қазақстандық спортшы октагонға тек келесі жылдың көктемінде ғана оралады.

Посмотреть эту публикацию в Instagram

Публикация от Shavkat Rakhmonov (@shavkatrakhmonov94)

Шавкат Рахмоновтың ұзақ уақыт бойы жарыстарға қатыспауы және тізесіндегі жарақатын емдеуі UFC-дегі жартылай орта салмақтағы жағдайға да әсер етті. Ол бір жарым жылға жуық уақыт бойы жекпе-жек өткізбегендіктен, UFC-дің ресми рейтингінен уақытша шығарылды.

Айта кетейік, Шавкат Рахмонов кәсіби мансабында 19 жекпе-жек өткізіп, 19 рет жеңіске жеткен.