Суға жүзуден Ғалымжан Балабек Әлем кубогы кезеңінде ұлттық рекордты жаңартты

Суға жүзуден Қазақстан құрамасының спортшысы Ғалымжан Балабек Ташкентте (Өзбекстан) өтіп жатқан әлем кубогының кезеңінде ел намысын қорғап жатыр, деп хабарлайды Zakon.kz.

Отандық спортшы 400 метрге еркін әдіспен жүзуде 3:47.13 уақыт нәтижесін тіркеп, 12-орынға тұрақтады. Осы көрсеткіші арқылы Ғалымжан Балабек Қазақстан рекордын жаңартты.

АҚШ өкілі Карсен Фостер алтын медаль жеңіп алды (3:37.39). Күміс жүлде бельгиялық Лукас Пьер А. Энвоға бұйырды (3:37.74). Ал Мэттью Колдуэлл (ОАР) үздік үштікті түйіндеді (3:40.95).

Айта кетейік, Әлем кубогының кезеңі 10 қазанға дейін жалғасады.

Бұған дейін отандық үш таеквондошы Париждегі Гран-приге қатысқалы жатқанын жазғанбыз.