"Кінәсін дәлелдей алмады". Қазақстанда Біртановты қорғау туралы петиция пайда болды

Сурет: Zakon.kz

Қазақстандағы бала құқықтары жөніндегі уәкіл Аружан Саин әлеуметтік желілер арқылы азаматтарды сотталған Денсаулық сақтау экс-министрі Елжан Біртановты қорғау туралы петицияға қол қоюға шақырды, деп хабарлайды Zakon.kz.

Саин Қазақстан президенті Қасым-Жомарт Тоқаевқа дәрігерлер мен жұртшылық атынан ашық үндеуді Facebook-те онлайн-петиция түрінде жариялады.

"Біздің ойымызша, ашық сот процесінде айыптаушы тарап сотталушылардың кінәсін дәлелдей алмады", - деп жазды Саин.

Елжан Біртанов пен ҚР Денсаулық сақтау вице-министрі Олжас Әбішевтің үкімі Астана қаласының №2 Сарыарқа сотында 28 қазанда шықты. Сот Біртановты санитарлық авиацияның әуе кемесін пайдалану бойынша кінәсіз деп тапты және екі сотталушыны да лауазымдық өкілетін асыра пайдаланды деді.

Судьяның сөзінше, Әбішев пен Біртанов "жұмыс істемейтін платформаны қабылдады, орындалған жұмыстар актісіне қол қойды, ал бұл жұмыс іс жүзінде орындалмаған".

Біртанов үкімнің осы бөлігіне шағымдануға ниет білдірді.

Экс-министрдің адвокаттары жоғары сотқа №2 Сарыарқа сотының үкіміне қатысты апелляциялық шағымдар берді.

Оқи отырыңыз